Во координирана акција на Oддeлението за организиран криминал при МВР и СВР – Охрид, синоќа во 23:20 часот на регионалниот пат Охрид – Св.Наум, во близина на населбата Рача сопрен е патнички автомобил, управуван од 53 годишен жител на Струга.
При проверка на возилото во багажниот простор пронајдени биле три патни торби со околу 50 килограми марихуана. Осомничениот се обидел со автомобилот да избега, но бил приведен од полициските службеници.
Во врска со случајот приведен е и 31 годишен жител на Струга, кој управувал друг патнички автомобил. По целосно документирање на случајот, СВР Охрид, против нив ќе поднесе соодветна кривична пријава.