Страв, паника и револт кај вработените во Јавниот сервис МРТВ. Секојдневно се присутни притисоци и закани дека нема да добиваат плата доколку се избере нова Влада.
„Ни велат, дека веќе плата никогаш нема да видиме доколку падне актуелната власт и дојде друга формирана од опозицијата. За МТВ ни раскажуваат најцрни сценарија, но најмногу не револтира тоа што не пребројуваат и тераат да одиме масовно на протестите на „За заедничка Македонија. Наши вработени се во првите редови, а некои и говорат на протестите“, вели за А1он вработен во МТВ.
Оние кои се послушни и одат на протестите се ослободени од обврските, а од другите бараат редовност и исполнување на норми.
Вработен во МТВ посочува дека активни учесници на протестите се и носители на надворешни проекти на Јавниот сервис.