„Ниту еден човечки живот никогаш и ништо не може да го надомести, особено младиот. Тежок, тажен и траорен ден за Македонија. Од мое лично име и во име на ЛДП, изразувам искрено сочувство до семејствата на настраданите во трагедијата во Кочани“, вели во својата порака со сочувство претседателката на Либерално-демократската партија, Моника Зајкова, по пожарот во дискотеката Пулс во Кочани и десетиците жртви и повредени, најголем дел млади луѓе.
Нашата земја ваква трагедија не памети во својата понова историја и искрено, сакам да верувам дека ова е последен пат да се соочиме со болка и тага од ваков тип и големина.
„Навистина не постојат зборови кои би можеле да ја опишат или надоместат штетата од загубените млади животи. Нашите мисли и молитви се со нивните семејства и најблиските и стоиме на располагање за обезбедување на било каква помош и поддршка за погодените од оваа голема, огромна трагедија“, вели Зајкова, упатувајќи апел никогаш повеќе да не дозволиме корупцијата и профитот да не доведат до ваква трагедија.
Зајкова уште еднаш го потенцираше барањето на ЛДП за брза и ефикасна истрага за причините за настанувањето на овој грозоморен чин и изведување на одговорните пред лицето на правдатa.