На денешната прес конференција, лидерот на СДСМ, Зоран Заев објави снимки, од како што рече разговор меѓу министрите за внатрешни работи и финансии, Гордана Јанкулоска и Зоран Ставрески.
Во снимката, за која Заев вели дека се говори за евроамбасадорот Аиво Орав.
Транскрипт
ГЈ: Ало.
ЗС: Ништо, онака те барав, дали ќе идеш Бутел да те прашувам, ама…
ГЈ: Па не…
ЗС: …на друго место си била.
ГЈ: …ме стаиле у Долнени, да, да.
ЗС: Глупости.
ГЈ: Што да ти кажам. Ти шо праиш?
ЗС: Па ништо еве со шефот нешо ме побара нешо му објаснуев, овој од ЕУ тужел, Орав, тој копиљот. Тој ич не не сака.
ГЈ: А шо му фали на него?
ЗС: Нешто финансии го тужел, дека тоа што ИПА средства не ќе се искористеле финансии и екологија биле криви. Сељак.
ГЈ: Исфрустриран е тој.
ЗС: Да, да. Затоа што не ги слушам ја. И второто што ми нудат буџетска поддршка 20 миљона замисли евра, а сакаат со тоа да ми влезат у трезор и да копаат.
ГЈ: И не само тоа.
ЗС: за arrears (заостанати долгови)
ГЈ: И не само тоа, он е фрустриран шо не може да врши влијание, не е некој авторитет и излеа таму од внатре малку го с’скаат по таа основа. Пошо таму никој не не сака нас.
ЗС: Ич не не сакаат таму и цело време трујат. А у суштина и корумпирани копилиња се за сите тендери.
ГЈ: Да де да. Да, да.