Заев за „А1он“ откри дека се откажува од повеќето привилегии, а ќе користи само една

Од:

Поранешниот премиер, Зоран Заев, ќе користи само една од привилегиите кои му ги овозможува Законот за Влада. Тој за „А1он“ вели дека нема да користи апанажа. Иако има право, Заев се откажува и од користење државен автомобил и возач. Делумно, ќе користи само државно обезбедување. Тој има право на шест бодигарди, кои може самиот да ги одбере, за да го чуваат 24 часа. Но оваа привилегија, според неговото кажување, нема да ја користи во целост.

dobivaj vesti na viber

„Апанажа нема да користам. Ќе се вработам во нашите семејни фирми, па возило за мене ќе имам од семејните фирми. Обезбедување, ќе користам делумно како што предвидува законот“, вели Заев за „А1он“.

Заев има право да користи привилегии четири и пол години, колку што и ја извршуваше премиерската функција. Истите, му следуваат од денеска, кога му престанува функцијата.

Вакви привилегиите за поранешните премиери беа овозможени со измени на Законот за Влада во 2017 година, пред промената на Владата на ВМРО-ДПМНЕ. Тогаш СДСМ сметаше дека овие привилегии не треба да се дозволат бидејќи според нив, дозволувањето на поранешен премиер сам да одбере колку и кои обезбедувачи ќе го чуваат е покажување страв и слабост, но и луксузирање.

Заев во текот на мандатот доби повеќе закани за убиство. Снимка со таква содржина беше прикачена и на „Јутуб“ а во која се слуша како се вели: „ Заев ќе биде изрешетан ко куче, ќе лежам доживотно“. Потоа, вевчанец беше уапсен откако преку видео упати порака дека ќе го убие и обеси Заев, но и Пендаровски. Во 2018 година, МВР посочи и дека се детектирани шест кривични дела за закани кон Заев, тие се документирани, со соодветни известувања до Основното јавно обвинителство, и обезбедени се наредби до социјалната мрежа Фејсбук.

Пред промената на власта, беа направени законски измени според кои премиерот на кој му завршила функцијата има право на лично обезбедување од шест лица вработени во единицата за обезбедување лица и објекти во МВР, како и право на користење службено возило и возач и тоа право го остварува во период ист со периодот на времетраењето на извршувањето на функцијата претседател на Владата, што значи дека Груевски ова право може да го користи 10 години.

Тогаш СДСМ побараа измени на оваа законско решение, а од ВМРО-ДПМНЕ одговорија дека е оправдано поранешни функционери да имаат 24 часовно обезбедување во времетраење колку што биле на функција, напоменувајќи дека во Макеоднија имало два обиди за атентати на поранешни претседатели кои се уште не се расветлени.

Би можело да ве интересира

Стоилковски: Дали луксузните имоти во кои престојуваат Заеви во Дубаи се нивна сопственост?

(ВИДЕО) Стојменов: Заев стои зад блокадата на градилиштето „Беко“, притисокот беше да го продадам евтино

Маја Илиевска-Пачемска

ВМРО-ДПМНЕ: СДСМ да го праша Заев како се стекна со фабриките за марихуана и лиценцата за експлоатација на глина за Еленица

ВМРО-ДПМНЕ: Ковачевски бетер од Заев, тоа што не успеа да распродаде едниот со Бугарија, го продава другиот

Петрушевски: Заеви од голтари преку СДСМ до милионери, а не плаќаат над 1 милион евра за данок

ВМРО-ДПМНЕ: Заев од голтар стана милионер, од Муртино до фабрики за марихуана и трговија со струја