Заев се сретна со унгарскиот амбасадор: Унгарија е наш голем поддржувач

Од:

Претседателот на СДСМ, Зоран Заев денеска се сретнал со делегација од амбасадата на Унгарија во земјава предводена од амбасадорот, Ласло Дукс .

На средбата се разговарало на повеќе актуелни теми, како процесот на интеграција на земјава во ЕУ, членството во НАТО, напредокот на земјава изминатите 2.5 години, спроведувањето на реформите, актуелната политичка ситуација во земјата односно престојните парламентарни избори во април.

Амбасадорот на Унгарија во државава, Ласло Дукс истакнал дека Македонија има огромна поддршка од Унгарија во поглед на нејзината евроинтеграција и дека тоа веќе се потврдило и на самитиот во октомври минатата година.

„Така ќе биде и овојпат во март и искрено се надевам дека земјата ќе го добие конечно датумот за почеток на преговори“, рекол амбасадорот Дукс.

Во однос на престојните парламентарни избори Заев истакнал дека многу е важно тие да бидат регуларни, фер и демократски, затоа што „тоа би било уште една потврда дека сме демократски зрела држава и нашето место е во Европската Унија“.

Како друга актуелна тема се поставила и мигрантската криза, особено по отворањето на границите од страна на Турција и очекувањата на зголемен прилив на мигранти и кон нашата земја и справување со целата таа ситуација,  на што од страна на претседателот Заев било посочено дека нашата држава е подготвена за ситуацијата и е во постојана координација и со Грција и со Бугарија.

Заев и Дукс, според соопштението, се согласиле дека двете земји отсекогаш имале добри и пријателски односи и дека тоа ќе продолжи и во иднина и во насока на економска соработка и можни инвестиции на Унгарија во Македонија.

Би можело да ве интересира

Орбан: Унгарија не може да учествува во политички извалканиот Меѓународен кривичен суд

Унгарија се повлекува од Меѓународниот кривичен суд

Бока: Европскиот парламент повторно ја нападнал Унгарија

Новата германска влада подготвува казна за Орбан

Кој е Марк Брновиќ, новиот американски амбасадор во Србија

Предраг Петровиќ

Орбан: Брисел се подготвува за војнa