Премиерот Зоран Заев на денешната прес-конференција запрашан за став околу прашањето кое го отвори косовскиот вицепремиер Енвер Хоџај, дека во Македонија, Хрватска, Косово и Црна Гора се разговарало за „пакт против Србија“, одговори дека тој се оградува од било какви разговори, бидејќи тие не постоеле.
„Сакам да се оградам од било какваи разговори, не постоеле, ниту пак некој ги номинарал и само апелирам и до Косово и до Србија да градат пријателство низ дијалог“, изјави Заев.
Премиерот додаде дека тие како Влада важат во регионот, во Европа и во светот како градители на добрососедски односи. Никој од нас не побарал вакво нешто ниту пак било разговарано за ова прашање, изјави Заев.
