Одлука за разрешување е сериозен израз на одговорност и примање на порките од страна на граѓаните од претседателските избори како и амбициите за наше подобрување. Тргнавме од сопствените редови. Во моментот СДСМ управува со својот централен одбор и новиот генерален секретар, рече претседателот на СДСМ и премиер на РСМ Зоран Заев по денешната седница на Централниот одбор на СДСМ на која беше разрешено целото партиско раководство.
-Сега е време за поголема инициатива, целиот фокус ќе го посветиме за подобар живот на граѓните, СДСМ е голема партија, покажува дека живее и за граѓаните дека е подготвен да се менува на подобро. Ова се системски и суштински промени во партијата, сакам јавно да им се заблагодарам на сите што јавно ја извршуваа својата функција, да им се заблагодарам на тројцата секретари, Александар Кирацовски, како и Миле Зечевиќ и Дане Талевски како и на шесте потпретседатели за досегашната работа. Благодарност и до извршниот одбор бл кој исто престана да ја извршува својата функција, како и на координаторот на форумот на жени Цветанка Ласкова, рече Заев.
Актуелниот премиер најави и промени во извршната власт по која ќе следуваат нови именувања. Тој и официјално го претстави новиот генерален секретар на СДСМ, Љупчо Николовски пред јавноста и членството на партијата.
-Љупчо Николовски е новиот генерален секретар на партијата, тој нема повеќе да биде министер. Тој е еден од поуспешните министри во владата јас сум горд што имав таков член во владата, се враќа во партијата за да може ова да биде победничка партија. Му посакувам успех и бескомпромисност кога е во прашање интересот на граѓаните, ја има мојата поддршка од СДСМ да направиме подобра партија, рече Заев.