Реконструкцијата очекувам да се случи за зголемување на парламентарното мнозинство и да се промени она што немало прогрес. Ако немало прогрес, нормално е да има промена на кадри. Сето тоа е анализа на органите. Штом ќе имам ставови ќе ги соопштам, изјави премиерот Зоран Заев, по излегување од кривичниот суд, каде што се одржа рочиште за „Поткуп“.
Тој рече дека не е вистина дека СДСМ ќе го добие Министерството за правда во замена за Министерството за образование. „За нас водилка е само профисионалниот аспект на личноста. Сите места кои се празни ќе се пополнат со реконструкцијата. До крајот на април ќе бидеме комплетни, а очекувам поддршка од Собранието“, рече Заев.
Според мое убедување, додаде тој, подобро ќе беше опозицијата да се вратеше во Собранието велејќи дека тоа е поради реформите, а не вака. „Опозицијата во парламентот значи многу за граѓаните, а јас велам и за Власта“, рече Заев.
Кристијан Ландов