(ВИДЕО) Заев: Може да разговараме за избори во октомври 2020

Од:

Премиерот Зоран Заев денеска на прес-конференција упати повик за лидерска средба која би се одржала в петок, 19-ти јули во 14 часот во Клубот на пратеници.

Поканата за лидерска средба премиерот ја упати кон претседателот на ВМРО-ДПМНЕ, Христијан Мицкоски и претседателот на ДУИ, Али Ахмети и до претседателот на Алијансата за Албанците, Зијадин Села, а најави разговори и со други парламентарни партии.

На лидерската средба, како што посочи Заев, би се разговарало за нов изборен законик и изборен модел, за законот за јавно обвинителство односно решавање на статусот на СЈО и за пописот.

За условот на ВМРО-ДПМНЕ, да има лидерска средба само ако се разговара за предвремени избори, Заев вели дека целта е сите партии и власта и опозицијата да се договорат за клучни прашања и важни одлуки за државата до октомври кога се очекува датум за препорака за старт на преговори со ЕУ.

„Подготвени сме за избори напролет, наесен или било кога, но државата е приоритет. Останувам на ставот за редовни избори. Брзи избори видовме до каде ја донесоа државата само заради политички калкулации. Ако требаше да се оди на парламентарни избори ќе одевме заедно со претседателските, редовните се декември 2020, но може да разговараме и за октомври идната година“, рече Заев.

Би можело да ве интересира

Заев: Ќе ја прифатам секоја иницијатива што ќе придонесе за промена на одлуката на Европскиот совет

Ана Ололовска

Заев: Рано е уште да се разговара за технички премиер, Владата е насочена на економските реформи

Ана Ололовска

Ќе се бара соодветен термин за попис во 2020 година

Ана Ололовска

(ВИДЕО) Заев: СДСМ води на анкетите пред ВМРО ДПМНЕ, јасно е, со коалицијата сме фаворити на изборите

Ана Ололовска

(ВИДЕО) Гаши: Очекувам промени по 12-ти април, особено во албанскиот блoк

Габриела Димковиќ-Мишевска

(ВИДЕО) Села: Изборите не го попречуваат пописот, уште подобро ако се одржи тогаш

Габриела Димковиќ-Мишевска