Заев од Облешево: Земјоделците ќе имаат вистинска поддршка, заедно ќе обезбедиме рамномерен развој

Од:

Силна поддршка за земјоделците, рамномерен развој на целата општина, инвестиции и нови инфраструктурни проекти најави претседателот на СДСМ Зоран Заев, на денешната средба со жителите на општината Чешиново-Облешево.

Посочувајќи дека и тој самиот потекнува од село и бил земјоделец, претседателот на СДСМ истакна дека општината Чешиново – Облешево има работлив народ, народ кој што не се штеди да работи, само сака чесно да живее.

„Субвенциите ги има и доаѓаат во вистинско време, тогаш кога најмногу им требаат на земјоделците. За разлика од досега субвенциите ќе доаѓаат кај вистинските земјоделци. Имаме сериозен концепт оваа поддршка секоја години да расте. Ако сме извадиле три тона жито од одредена хектаража или три тона ориз од одредена хектаража, наредната година земјоделецот ќе добие 10 отсто повеќе субвенции од претходната , ако има производство три тона и 300“, најави Заев.

„Да помагаме на сите без разлика на нивната политичка или друга определеност “, порача Заев и нагласи дека идните градоначалници цврсто ќе се залагаат за концептот општини кои што ќе работат за сите. Тој упати јасна порака дека ќе има рамномерен развој во сите општини, па и во општината Чешиново-Облешево. Со поддршка на централната власт ќе се асфалтираат улици, ќе се прават канализации, ќе се градат градинки подеднакво насекаде.

Заев вечерва уште еднаш ги повика жителите на Чешиново – Облешево за неколку денови да донесат промени и во оваа општина. Новиот градоначаланик, Горанчо Крстев, како што рече тој, е човек кој што си ја сака општината и сака да ја направи најдобра во Македонија.

„А за да го постигне тоа, ќе добива поддршка од сите. Зад овој човек, зад Горанчо Крстев стоиме 100 проценти и јас и Владата и Парлементот. Заедно на 29-ти да ја прославиме победата и од понеделник да славиме живот во Чешиново – Облешево за сите“, рече Заев.

Би можело да ве интересира

(ВИДЕО) Шукова: Скопје без хартија дигитален град за сите

Уште колку луѓе треба да настрадаат за Панче Тошковски да почувствува одговорност, прашуваат од СДСМ

Горан Наумовски

Костадинов: Барам поддршка за нов мандат за продолжување на развојот и инвестициите во Валандово

Горан Наумовски

Инфлацијата беснее а Владата на Мицкоски без никакви мерки прави статистички спинови, велат од СДСМ

(ВИДЕО) Филипче: Кога нема резултати власта посегнува по црни кампањи, никако да разберат дека се прочитани

Горан Наумовски

Тошковски до СДСМ: Толку ли многу ви смета што покренавме кривични постапки против корумпирани судии и обвинители?