Лидерот на СДСМ, Зоран Заев не побарал од делегацијата на ЕУ одложување на оценката за подготвеноста за оддржување на фер и демократски избори на 24 април, дознава А1он.
Претходно од Делегацијата на ЕУ во Скопје информираа дека одложувањето е направено по барање на политичките партии, но не беше посочено за кои партии се работи. И од американската амбасада известија дека на барање на лидерите на политичките партии ќе се почека уште еден ден за да се соопшти заедничкиот став.
Барањето било поради добивање простор за договор помеѓу одредени партии што ќе се случува откако ќе се објави оценката која по се изгледа ќе биде негативна.
ВМРО-ДПМНЕ инсистира да се оди на избори, иако не е прочистен избирачкиот список ниту се регулирани медиумите. Ветувањата дека тоа ќе биде сторено до 24 април не се воопшто убедувачки за СДСМ, од каде порачуваат дека најпрво треба да се прочисти списокот и да се регулираат медиумите, а потоа може да се зборува за датумот на избори.