Во 14 и 30 во седиштето на СДСМ е закажана прес конференција на која ќе говори претседателот на СДСМ, Зоран Заев.
Централниот одбор на СДСМ во петокот даде поддршка за објавување на материјалите кои упатуваат на како што пишува во усвоениот документ злоупотреби, криминал и корупција на власта. Беа изгласани следните заклучоци.
Се овласти раководството на СДСМ да започне со обзнанување на документите кои докажуваат систематско и незаконско прислушување на илјадници граѓани, целосна контрола и злоупотреба на државните институции и правосудни инстанци во партиски и изборни цели, злоупотреби и груби нарушувања во изборниот процес како и криминал и корупција во највисоките ешалони на власта.