Заев ќе се сретне со Трамп и Гутереш на Генералното собрание на ОН во Њујорк

Од:

Премиерот Зоран Заев ќе ја предводи делегацијата на Република Македонија на 72. Генерално собрание на Обединетите Нации во Њујорк од 17 до 23 септември, соопшти владината прес-служба.

Во составот на делегацијата на Република Македонија, ќе бидат и шефот на дипломатијата Никола Димитров и министерот без ресор задолжен за дијаспората Едмонд Адеми.

Заев ќе присуствува на свеченото отворање на работата на Генералното собрание и ќе има обраќање на тематската конференција „Отворена влада“, со која ќе претседава претседателот на Франција, Емануел Макрон. Предвидено е премиерот Заев да учествува и на повеќе други тематски панели за време на овој светски собир на шефови на држави и влади.

Претседателот на Владата на Република Македонија ќе има работен ручек со генералниот секретар на ОН, Антонио Гутереш, повеќе други билатерални средби, меѓу кои и со претседателот на Европскиот совет, Доналд Туск, со високата претставничка за надворешна политика и безбедност на ЕУ, Федерика Могерини, со премиерите на Норвешка и на Малта, како и со претседателот на САД, Доналд Трамп.

Во рамките на посетата на Њујорк, премиерот Зоран Заев ќе има средби и со претставници на дијаспората на Република Македонија во САД, како и американски бизнисмени.

Би можело да ве интересира

„Вашингтон пост“: САД се подготвуваат за граѓански немири

Горан Наумовски

Трамп: Тој е криминалец и треба да биде во затвор, грда личност, одвнатре и однадвор

Горан Наумовски

ВИДЕО: Трамп нареди тестирање за нуклеарно оружје по 30 години

Катерина Ѓуровски

ВИДЕО: Трамп и Џипинг се договорија за ретките метали, царините за кинеските стоки намалени

Катерина Ѓуровски

Сијарто е дециден: Трамп е единствената надеж за мир

Орбан се соочува со голема дилема: Трамп или руска нафта