Заев-Ламорџезе: Почетокот на преговорите е значаен и за С. Македонија и за ЕУ

Од:

Силна поддршка од Италија за почеток на преговорите на Северна Македонија со Европската Унија и уверување дека Рим ќе продолжи со заложбите за успех на овој процес, којшто се цени дека е важно да биде започнат, како за земјава, така и за државите членки на ЕУ е пораката која што му ја пренела италијанската министерка за внатрешни работи Лучана Ламорџезе на денешната средба со претседателот на Владата Зоран Заев.

Како што соопштуваат од Владината прес-служба, на средбата се потврдени добрите односи помеѓу двете земји во областа на образованието, економијата, културата, одбраната, науката при што е констатирано унапредување на односите со најавеното потпишување на Анти-дрога меморандумот за разбирање, што ќе придонесе во зајакнувањето на заедничката борба против криминалот и корупцијата.

Поздравени се, се додава, направените реформи во оваа област во нашата држава, со коишто се смета дека се зголемени капацитетите на органите за справување со криминал и корупција. Оценето е дека ги има предусловите, како што се посочува, да се продолжи на патот кон ЕУ, како и дека е ова стратешки значајно од безбедносен и економски аспект.

Премиерот Заев се заблагодари за големото пријателство помеѓу двете држави.

– Италијанската Република е стратешки сојузник и партнер во евро-атлантските процеси на нашата земја, но и голем пријател, што се покажува преку споделената солидарност секогаш кога е тоа потребно, каков што е примерот со вакцините за време на пандемијата. Преку потпишувањето на Анти-дрога меморандумот ќе ја унапредиме заедничката борба против криминалот и корупцијата кон што сме силно определени. А со унапредувањето на институционалната соработка меѓу државите, отвораме пат и за унапредување на добрата економска соработка, што е од значење за граѓаните и за бизнисите, рече премиерот Заев.

На средбата беа споделени искуства околу подигнувањето на јавната свест за значењето на вакцинацијата, како и околу почитувањето на мерките за заштита во услови на пандемијата, стои во соопштението.

Би можело да ве интересира

(ВИДЕО) Стојаноска за средби Заев-Мицкоски: Не можам ниту да потврдам ниту да демантирам

Александар Тодески

Фирми на Мијалкови и на Трајче Заев должат четири милиони евра за ДДВ: Кои се најголеми должници на УЈП

Орце Костов

Гаши ја потврди средбата со Заев

Ана Ололовска

(ВИДЕО) Џамбаски: Димитар Ковачевски му го носеше кафето на Заев, името му е бугарска Али Експрес верзија

Орце Костов

Заев: 75 % од граѓаните се против референдум за договорот со Бугарија, останатите 25 % се вмровци

Маја Илиевска-Пачемска

Стоилковски: Дали луксузните имоти во кои престојуваат Заеви во Дубаи се нивна сопственост?