Премиерот Зоран Заев преку својот фејсбук профил прашува „кој во ВМРО-ДПМНЕ работи против претседателот на партијата и објавува соопштенија кои потврдуваат дека во времето кога Христијан Мицкоски бил директор на ЕСМ (ЕЛЕМ) драматично паѓало производството на електрична енергија“.
„Кој е збунет? Кој во ВМРО-ДПМНЕ работи против Мицкоски? Кој ја објави вистината за неспособноста на Мицкоски и за драматичниот пад на производството на струја во нивно време?
Конфузијата оди до таму што нивниот центар за комуникации објавува соопштенија во кои со бројки и факти потврдува дека во нивно време, времето кога Мицкоски бил директор на ЕСМ (ЕЛЕМ), драматично паѓало производството на електрична енергија. Спротивно на тоа, во периодот од 2017 и 2018 година имаме стабилизација и раст на производството на струја“, пишува Заев.
Погледнете ги бројките објавени од центарот за комуникации на ВМРО-ДПМНЕ, a се однесуваат на производството на ЕСМ:
– во 2013-та година 5 113 GWh
– во 2014-та година 4 741 GWh
– во 2015-та година 4 471 GWh
– во 2016-та година 4 382 GWh
– во 2017-та година 4 228 GWh
– во 2018-та година 4 273 GWh
ВМРО-ДПМНЕ почна да објавува факти кои ја потврдуваат неуспешноста на Мицкоски. Тој беше најнеуспешниот директор на ЕСМ, а денес е најнеуспешниот лидер на опозицијата“, напиша Заев.