Потпретседателот на СДСМ и градоначалник на Струмица во реакцијата на соопштението на ВМРО-ДПМНЕ наведува дека веќе потврдил оти кажаното во телефонскиот разговор се негови зборови и дека некој од владејачката партија покажува елементарно непознавање на сопствениоот јазик и граматика.
„Останува народот кој ги гледа овие клипови да суди кој е во право, а кој не. Кој е подготвен да пука и кој иницира хаос во државата, не е тешко да се претпостави. Тоа се тие кои на протестите на опозицијата во Скопје ставија снајперисти на покривот од Градската болница и во околните згради. Тоа се тие кои тепаа, газеа, влечеа и понижуваа народ“, стои во реакцијата.
Заев прашува кој стои зад телефонскиот број од кој е разговарано со него и дали бројот му припаѓа на државен функционер од владејачката партија.