Заев: Како што никој не веруваше во приказната за „отсјајот во теретаната“, така никој не верува дека Мицкоски не бил информиран доволно за новите протоколи

Од:

Ако Мицкоски се грижеше за здравјето на граѓаните, немаше да ги крши здравствените мерки! Само ако сите ги почитуваме мерките и забраните, ќе можеме да се заштитиме од пандемијата.

Ако ние политичарите не се придржуваме на одлуките и забраните, ако ние даваме погрешен и срамен пример пред граѓаните, тогаш не треба ни да се занимаваме со политика.

Не му е првпат на лидерот на опозицијата да покажува, ем со зборови, ем на дело, незрело и неодговорно однесување во врска со пандемијата.

Не му е првпат на лидерот на ВМРО-ДПМНЕ да не ги почитува мерките и дрско да лаже и да ја манипулира јавноста во врска со тоа. Но, неговите лаги се плитки, на неговите лаги им се куси нозете.

Како што никој не веруваше во приказната за мали деца за „отсјајот во теретаната“, така сега никој не верува во приказната дека лидерот на опозицијата не бил информиран доволно за новите протоколи. Па, како е можно да не бил информиран, кога министерот за внатрешни работи постојано кажува дека редовно го информира својот шеф за сите одлуки и мерки на Владата? Како е можно Мицкоски да не знаел дека неговата „средба со познаници во една скопска кафеана“ е арогантно кршење на правилата за заштита на здравјето?

Граѓаните со право го осудуваат незрелото, лицемерно, непринципиелно и неодговорно однесување на политичарите како Мицкоски. Граѓаните знаат дека неговото извинување е лажно. За неговото грубо кршење на здравствените мерки тој ја обвинува власта, небаре власта го однесе во кафеана во време на забрана. Наместо искрено да се извини и да ги повика граѓаните да ги почитуваат мерките што тој ги прекрши, се одлучил власта да му биде виновна.

За политичари кои дрско, арогантно и безобразно кршат здравствени протоколи не треба да има место во политиката. Политичари кои дење лицемерно глумат дека се загрижени за здравјето на граѓаните, а навечер ги кршат здравствените мерки, привилегирани политичари кои мислат дека вежбалниците и кафеаните треба да бидат отворени само за нив, ќе добијат силно НЕ од граѓаните, напиша лидерот на СДСМ на Фејсбук по синоќешните случувања во Дебар Маало каде во една кафеана внатре беше затекнат од инспекцијата Христијан Мицкоски.

Би можело да ве интересира

ВИДЕО: Засилени инспекции за новогодишните празници, затворени уште четири угостителски објекти

Ана Ололовска

Приведен сопственик на угостителски објект кој работел подоцна од дозволеното

Катерина Павлова-Николовска

Мицкоски: Заев повторно излажа, историчарите признаа дека се преговара за идентитетот

Жарко Настоски

(ВИДЕО) Мицкоски: Ако Заев го начне македонскиот идентитет, ќе се соочи со народот на чело со мене

Жарко Настоски

Николовски на средба со инспекторите: Законот мода да важи за сите, а протоколите да се почитуваат

Ана Ололовска

(ВИДЕО) Мицкоски на средба со Села и Гаши: Ова би можел да биде прв чекор кон заедничко коалицирање пред локалните избори

Габриела Димковиќ-Мишевска