Претседателот на СДСМ, Зоран Заев упати телеграма со сочувство до семејството на убиениот опозициски лидер во Москва, Борис Немцов и до граѓаните на Руската Федерација.
„Изразувам искрено и длабоко сочувство за бруталното убиство на Борис Немцов, до вас – семејството на Борис Немцов, до неговите пријатели, колеги, но и до граѓаните – поддржувачи, во свое име и во име на Социјалдемократскиот сојуз на Македонија.
Семејството на Немцов, но и граѓаните на Русија и светот загубија храбар човек и борец за демократските вредности како што се слободата и владеењето на правото.
Нема зборови за утеха, но нешто што може да даде сила во овие моменти е фактот дека претседателот на Обединетото демократско движење „Солидарност“ и ко-претседател на Републиканската партија на Русија – Партија на народната слобода, Борис Немцов, ќе остане запаметен како еден од наjпосветените заштитници на граѓанските права во земјата.
Изразуваме надеж дека властите во Русија ќе спроведат брза и транспарентна истрага за околностите под коишто е убиен опозицискиот лидер Борис Немцов“.