Заев: Кажував се што знам за „Монструм“, за да се дојде побрзо до вистината

Од:

Aдвокатот Насер Рауфи одбрана на обвинетите за случајот „Монструм“, односно за петкратното убиство кај Смилковско Езеро во 2012 година, го испрашуваше доскорешниот премиер Зоран Заев за се што знае поврзано со случајот.

Рауфи на почетокот го праша Заев дали се среќавал со семејствата на осомничените за убиството, онака како што се среќавал со семејствата на убиените момчиња, на што тој кажа дека имал средба со братот на осомничениот Фејзи Азири, а се со цел да се дојде до вистината.

„Прислушуваните материјали се чуваа во мојата канцеларија, во делот каде што пристап имав само јас. Ниту еден член на правниот совет, без мое присуство немал допир до тие материјали. Јас ја исклучувам можноста некој да ми украл материјали, за јас да не ги предадам на СЈО”, рече Заев.

„Автор на предметот ‘Монструм’ е Синиша Алексовски, вака рековте, ве цитирам”, рече Рауфи.

На ова, Заев рече дека тој само кажувал се што чул од од јавноста, макар и да е од телевизија.

Заев претходно рече дека сите материјали ги доставил до СЈО, а дека дел од аудио снимките им ги пуштил, но не им ги дал на родителите. Заев пред судот изјави дека нема сознанија за вмешаност на лица во случајот ниту од неговата партија СДСМ, ниту пак од ВМРО-ДПМНЕ.

Случајот „Монструм“ го води судијата Огнен Ставрев, а застапници на обвинението се Фатиме Фетаи и Гаврил Бубевски. За петкратното убиство на 12 април 2012 година, кога беа убиени момчињата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски, во претходна постапка за случајот на доживотен затвор беа осудени Алил Демири, Африм и Агим Исмаиловиќ, Езим и Хаки Азири и Сами Љута. Врховниот суд во декември 2017 година ги укина пресудите, ги ослободи од притвор осудените Агим Исмаиловиќ, Хаќи Азири, Сами Љута и Фејзи Азири и им определи мерки на претпазливост. По укинувањето на пресудите, случајот „Монструм“ го презеде СЈО и предметот беше вратен на повторно судење.

Би можело да ве интересира

Пресудата не може да опстои, лажна исправа не е изработена, вели адвокатот на сопственикот на „Беса Транс“

Додик го слушна обвинението: Измислица на обвинителството за политички притисок, фактите немаат врска со мене

А1он

Утре почнува судењето на родителите на Коста кој изврши масовно убиство во училиштето „Владислав Рибникар“

А1он

Девојка во Русија е осудена на 27 години затвор за убиството на воениот блогер Владлен Татарски

Ковачевски за средбата со Заев и Ахмети: Зборувавме за настапот на партиите на изборите и за членството во ЕУ

Александар Тодески

Трамп во судница во Њујорк: Имаме ситуација каде што сум невин, судијата не ме слуша зошто му е досадно

А1он