Генералниот секретар на СДСМ, Љупчо Николовски информираше дека тој и лидерот на партијата, Зоран Заев, се откажале од надоместоците за патни трошоци кои им следуваат како пратеници во Собранието.
Николовски во објавата на Фејсбук вели дека укинувањето на патните трошоци за пратениците било изборно ветување на СДСМ и нивна програмска определба.
„Ги охрабрувам колегите од сите партии да го следат овој чекор. Да дадеме мал придонес во насочување на што повеќе пари кај граѓаните, кај оние на кои им се најпотребни,“ напиша тој.