Заев и Маричиќ на средба со ОБСЕ-ОДИХР: Со прифатените амандмани на Изборниот законик обезбедивме дополнителни гаранции за локални избори по највисоки стандарди

Од:

Премиерот Зоран Заев и министерот за правда Бојан Маричиќ примија делегација на мисијата за следење на локалните избори на канцеларијата на ОБСЕ за демократски институции и човекови права (ОДИХР), предводена од шефицата на мисијата Тана де Зулуета.

„Премиерот Заев и министерот Маричиќ на средбата истакнаа дека сите подготовки за спроведување фер и демократски избори за градоначалници и за совети во општините во надлежност на Владата се спроведени во целост во согласност со препораките на ОБСЕ-ОДИХР, вклучувајќи и поголем дел од оние кои се однесуваа и на Изборниот законик.

Тие на средбата соопштија дека со прифатените амандмани на Изборниот законик кои поминаа со големо мнозинство од сите политички партии во Собранието, се обезбедени дополнителни гаранции за спроведување на локалните избори според највисоки стандарди.

Како дел од прифатените амандмани е и предложеното дополнување во Законот со кој се зголемувањето на отчетноста, транспарентноста и контролата на државните ресурси за време на изборниот процес. Во таа насока, за остварување целосен надзор, сите државни институции се задолжени до Државната комисија за спречување на корупцијата да достават податоци за сите моторни возила со кои располагаат со цел увид во нивното користење за време на изборите и спречување на евентуални злоупотреби.

Премиерот Заев на средбата со претставниците на набљудувачката мисија на ОБСЕ-ОДИХР нагласи дека Република Северна Македонија доби високи оценки за организацијата на последните три изборни претседателски, парламентарни и локални избори, и дека се имплементирани сите дополнителни барања за унапредување на изборниот процес вклучувајќи го новиот начин на идентификација со отпечаток од прст за што во избирачкиот список со новите амандмани е додаден и посебен бар код за поголема контрола на гласањето.

Шефицата на мисијата на ОБСЕ-ОДИХР Тана де Зулуета информираше дека овие локални избори набљудувачката мисија ќе ги следи со 20 долгорочни и 250 краткорочни набљудувачи, кои ќе пристигнат неколку дена пред денот на изборите.

На средбата беше потврдено дека изборите ќе се спроведат под строга контрола и со почитување на утврдените протоколи за организирање безбедна кампања и гласање во услови на актуелната пандемија со КОВИД-19“, информираат од Владата.

Би можело да ве интересира

(ВИДЕО) Шилегов: Скопје станува европска метропола каде луѓето се важни

А1он

Шилегов: Реконструиравме 40 градски улици и изградивме четири нови булевари во Скопје

А1он

Арсовска од Ѓорче: Спортски комплекс, уредување на Лепенец, енергетска транзиција, расчистување со депониите за 82 дена

А1он

Шилегов: Од Кисела Вода до Карпош преку тунелот кај Лимак без сообраќаен метеж

А1он

(ВИДЕО) Дебата: Шилегов вети дека ќе ја реализира програмата, а Петровска враќање на моќта од урбанистичката мафија кај граѓаните

Кристијан Ландов

(ВИДЕО) Шилегов: Преку мостот на АСНОМ за 70% се крати времето за патување од Ново Лисиче до Мавровка

А1он