Лидерот на СДСМ, Зоран Заев, вечерва во Кампот на слободат им се заблагодари на граѓаните кои два месеци кампуваа пред Владата под отворено небо и го означи затворањето на Кампот.
– Кампот на слободата ја исполнил својата цел и проектот „Вистината за Македонија“ немаше да успее доколку не беше истрајноста на сите граѓани кои два месеци деноноќно кампуваат под отворено небо на Илинденска, и тоа со една единствена цел – оставка на премиерот Никола Груевски.
– Кампот произлезе од потребата на граѓаните, луѓе оставија дома семејства за да дојдат тука и да покажат дека ја сакаат Македонија. Камперите испратија порака дека диктатор може да поднесе оставка без да падне капка крв од неговото заминување. На овој простор се одржа најголемиот натпартиски собир во историјата на Македонија и тука е поставен темелот на слободата – рече Заев.
Лидерот на СДСМ насобраните граѓани ги запозна и со детали од договорот, кој беше постигнат за излез од политичката криза.
