Премиерот Зоран Заев им заблагодари на сите пратеници, соборци, соработници, медиуми, граѓани за присебноста за време на настаните што лани на 27-ми април се случија во Собранието.
„Домот на граѓаните таа вечер беше узурпиран од насилство. Помогнаа разумот и присебноста за да не се крене брат против брат. Заеднички ги надминавме тешките моменти. Катарзата за 27 април мора да помине низ правосудниот систем“, рече Заев.
Според Заев, 27 април е сликата на Македонија која се бори за слобода.
„Тие настани го забрзаа доаѓањето на промените. За 1 година светот го виде нашиот напредок.
Оваа промена бара време и труд“, порача Заев.
Васко Маглешов