(ВИДЕО) Заев: Чекам да се докаже дали Јанева е инволвирана или злоупотребена

Од:

Премиерот Зоран Заев денеска на прес-конференција изјави дека тој не се слушнал телефонски со Катица Јанева, пред да и биде конфискуван мобилниот телефон.

– Не сум се слушнал со Катица Јанева, рече Заев, по шпекулациите дека специјалната јавна обвинителка контактирала со високи функционери пред да и се одземе телефонот.

„Јавното обвинителство е должно да каже дали се злоупотребува Катица Јанева во процесот или има докази против неа“, смета Заев.

Заев нагласи дека истрагата треба да покаже каква е улогата на Јанева и додаде дека додека не се докаже дека таа е инволвирана во криминал, важи пресумцијата на невиност.

„Не можам да потврдам на кого мисли Героски, кога зборува под псевдоними за функционери и би шпекулирал само. Етички може да е нарушен угледот, можеме да бидеме употребени или злоупотребени. Јанева даде оставка… додека не се докаже дека е инволвирана стојам зад неа”, рече премиерот.

Заев рече дека верува во правосудниот систем и дека конечно има правна држава,

– Се покажува дека законот важи за сите. Не треба да ги коментираме постапките на институциите, но потребна е транспарентност. Верувам дека секој што се огрешил и има докази, дека ќе одговара, кажа Заев.

„Веќе има истрага, има притвор за осомничени. Дали некој бил носител на функција во власта, тоа ќе заврши ако се докаже во постапка, тоа не важеше за претходната власт“, додаде Заев.

Би можело да ве интересира

Мицкоски до Заев: Да донесеме Резолуција за заштита на македонскиот јазик, виткањето на кичмата не и донесе ништо добро на Македонија

Ана Ололовска

Заев: Верувам дека не е возможно ништо што еколошки е недозволиво да влезе во државата

Ана Ололовска

Заев: Македонскиот јазик е впишан во сите Меѓународни организации, договорена е средба со Борисов за почетокот на 2020 година

Ана Ололовска

На 27 декември пресуда за ексдиректорот на ЕЛЕМ во „Тарифа“ на СЈО

Васко Маглешов

Заев: Работни групи ќе ги разгледаат модалитетите за имплементирање на препораките на Венецијанската комисија

Ана Ололовска

Теута Арифи не е кандидат за Вашингтон, тврди Заев

Ана Ололовска