За време на штрајкот градинките ќе работат, децата ќе бидат згрижени велат од МТСП

Од:

Во согласност со Конвенцијата за правата на детето, одредбите во Уставот на Република Северна Македонија и Законот за заштита на децата на Република Северна Македонија, неприкосновено право на децата е да им биде пружено згрижување и воспитание во предучилишни установи како облик на заштита на децата, се вели во соопштението од МТСП.

dobivaj vesti na viber

Согласно Законот за заштита на децата, во преучилишните установи за деца, вршењето на дејноста згрижување и воспитание на деца од предучилишна возраст не смее да се прекинува освен за вонредни состојби (природни непогоди, епидемии и друго), за што решава основачот, а по претходна согласност од Министерството за труд и социјална политика, но не и за време на штрајк.

По повод најавениот штрајк од страна на СОНК и во предучилишните установи, а кое право е загарантирано право на работниците согласно со Уставот, при остварувањето на правото на штрајк вработените се должни да обезбедат минимум непречено извршување на функциите на установите и неопходно ниво на остварување на правата и интересите на граѓаните, односно треба да биде обезбедено непречено згрижување и воспитание на децата од предучилишна возраст.

Сите предучилишни установи треба да го почитуваат Законот, Уставот на Република Северна Македонија и Конвенцијата за правата на детето и да го организираат згрижувачко воспитниот процес.

Поради тоа ја известуваме јавноста и родителите дека сите предучилишни установи во деновите на најавениот штрајк, ќе ја обавуваат својата дејност згрижување и воспитание на децата како и до сега.

За Министерството за труд и социјална политика, грижата за најмладите, децата е приоритет, а заштитата на нивните права, наша заедничка одговорност, се вели во соопштението.

Би можело да ве интересира

Вработените во градинките ќе добијат цели плати за периодот на штрајкот

Катерина Павлова-Николовска

СДСМ: изградивме и реконструиравм 69 градинки за пет години

Се укинуваат ковид протоколите во градинките

Штрајк има, но градинките ги згрижуваат децата објави Министерството за труд и социјална политика

Тренчевска: За посреќна детска игра ќе ги разубавиме дворовите на детските градинки „Весело Штркче“ и „Јаготка“ , ќе изградиме и 12 детски градинки

А1он

ССМ бара ресорот труд и социјална политика да го води човек кој знае како се води социјалниот дијалог