За Радев, патот на Македонија кон ЕУ минува низ признавање на бугарската историја

Од:

За бугарскиот претседател Румен Радев признавањето и почитувањето на македонските Бугари и нивното културно-историско наследство се единствениот начин Македонија да стигне до ЕУ.

dobivaj vesti na viber

Испровоциран од демолирањето на бугарскиот клуб во Охрид „Цар Борис Трети“ со употреба на огнено оружје, Радев го осуди нападот и рече дека македонските власти мора да разберат што треба да направат.

– Шефовите на државата во Република Македонија и општеството мора да разберат дека патот кон Европската Унија минува низ признавањето и почитувањето на македонските Бугари и нашето културно-историско наследство. Тоа е единствениот начин – изјави претседателот Румен Радев за БГНЕС при посетата на Враца.

Министерството за надворешни работи на Бугарија категорично го осуди тешкото инцидентот во кој беше употребено огнено оружје врз Клубот на граѓани со бугарска самосвест „Цар Борис III“ во Охрид.

За инцидентот вечерта на 23 ноември бил информиран генералниот конзулат на Бугарија во Битола. Генералниот конзул Димитар Иванов веднаш го посетил Охрид и воспоставил контакт со членовите на здружението и надлежните институции во градот инволвирани во случајот.

Ова е трет напад врз клубот Цар Борис III за помалку од два месеци. Претходниот напад беше извршен пред само два дена, за што Министерството за надворешни работи испрати вербална нота до амбасадата на Северна Македонија во Софија.

„Министерството за надворешни работи очекува надлежните органи во Република Северна Македонија во најкраток можен рок да преземат активности за откривање и изведување на лицето на правдата на сторителите на злосторството врз клубот Цар Борис Трети. Во врска со случајот денеска на средба во Министерството за надворешни работи ќе биде повикана вонредната и ополномошната амбасадорка на Северна Македонија, г-ѓа Агнеза Руси-Поповска, на која ќе и биде врачена протестна нота“, соопшти бугарското МНР.

Би можело да ве интересира

Вархеји: Подготвен сум да се сретнам со македонските Бугари

Орце Костов

Бугарска фондација за пукањето во Охрид: Четири куршуми влегле во канцеларијата, напаѓачот бил свесен дека може да убие луѓе

Кристијан Ландов

МНР го осуди нападот на бугарскиот клуб во Охрид

Повторно искршен бугарскиот клуб во Охрид, овојпат со употреба на оружје

Кристијан Ландов

ВИДЕО: Објавена снимка од нападот на бугарскиот центар „Цар Борис Трети“ во Охрид

Катерина Павлова-Николовска

Уставниот суд оформи предмети за здруженијата „Културен центар Иван Михајлов” и Цар Борис III Охрид

Ана Ололовска