„За моментите на среќа – вакцинирај се“: Владата со кампања за вакцинација и борба со дезинформациите

Од:

Премиерот Зоран Заев и министерот за здравство Венко Филипче ја промовираа новата кампања, со цел да го зголемат обемот на вакцинација во земјава, но и за борба против „антиваксерското дезинформирање на населението“.

dobivaj vesti na viber

Тие го промовираа и рекламниот спот за кампањата, насловена како „За моментите на среќа – вакцинирај се“, каде се прикажани луѓето како патуваат, одат на поголеми прослави, прават свадби, се дружат, а децата одат во училиште без маски, со цел, како што рече Филипче, да се потсетат граѓаните како се живеело пред пандемијата.

„Граѓаните мора да ги имаат точните проверени стручни информации за вакцините. Новиот пик и новиот делта сој потврдува дека една од најсуштинските мерки е масовната имунизација на населението. Со новите мерки што ги донесе владата лежи токму таква цел и тие даваат ефект. Вакцините се безбедни и ефикасни и се единствен начин да се победи пандемијата. За да го поттикнеме овој тренд и да ги охрабриме граѓаните, ја лансираме оваа кампања“, изјави Заев.

Според Филипче, вакцината во моментов е најсилното оружје против Ковид-19.

„Гледаме дека повеќето смртни случаи и оние со потешки форми се невакцинирани. Сосема мал е бројот на заразени кај вакцинираните. Оваа кампања ќе ги информира граѓаните за придобивките од вакцинацијата, треба да ги разбие сите митови и дезинформации и да ги поттикне граѓаните да се вакцинираат. Ќе се бориме против овие дезинформации кои ги заплашуваат граѓаните и ќе ги разбиеме сите митови“, рече Филипче и ги повика младите да се вакцинираат во што поголем број, за да се заштитат себе и околината.

Би можело да ве интересира

Започнува караван за вакцинација против Ковид-19 во повеќе општини низ државата

Ана Ололовска

Бројот на починати од Ковид-19 намален за 33 проценти, кај новозаболените има пад од 27 посто

Предложено укинување на две рестриктивни мерки за спречување на коронавирусот

Кристијан Ландов

Зголемен бројот новозаболени од ковид меѓу децата и тинејџерите

Катерина Павлова-Николовска

Петличковски: Шестмина вакцинирани со три дози починале во јануари, но анализите покажуваат дека трета доза штити од смрт над 95 отсто

Маја Илиевска-Пачемска

Бремените жени имаат поголема веројатност да се разболат од Ковид-19, Институтот за јавно здравје препорача вакцинирање

Катерина Павлова-Николовска