За да добие унапредување, разрешена па одново назначена секретарката на Општина Центар

Од:

Секретарката на Општина Центар, Маја Ралевска, дала оставка од функцијата за да добие унапредување, па потоа повторно е именувана на истата функција. Таа од позицијата помошник раководител на Сектор за правни и организациони работи, сега е назначена за раководител. Откако е упанредена преку пријавување на интерен оглас каде била единствен кандидат, градоначалникот Саша Богдановиќ повторно ја именувал за секретарка. Двајцата тврдат дека нема изигрување на закони, ниту пак им е спорно што ова унапредување се прави на два месеци пред избори. На оглас, се јавила само секретарката Ралевска.

„Не гледам тука ништо спорно. Од лични причини дадов оставка, бидејќи имаше постапка за унапредување која беше објавена, сакав да се јавам на интерен оглас. Доколку сум на таа позиција не би можела да се јавам на интерен оглас. Тоа редовна и тековна постапка. Сум сакала да можам да се унапредам во кариерата, бидејќи ги исполнувам општите и посебните услови, а тоа е нормална постапка. Секој може да се јави на тој интерен оглас“, вели Ралевска, која негира дека интерниот оглас е објавен токму за таа да се пријави и да ја добие позицијата.

Секретарката, а од сега и раководител на сектор за правни и организациони работи, Ралеска, негира дека огласот е пуштен сега бидејќи се ближат локални, а актуелниот градоначалник Богдановиќ може да не е повторно кандидат на СДСМ, па таа да не може да биде унапредена.

„Не треба така да се смета, барем јас лично размислувам. Не гледам причина, претходно или во секој период можело тоа да се направи. Но, еве, сега..“, вели Ралевска, која кажа дека не се договорила со Богдановиќ да се повлече, па одново да ја назначи на секретарската позиција.

Градоначалникот на Центар, Богдановиќ за „А1он“ исто така вели дека нема изигрување на законите и дека процедурата била транспарентна, а на огласот можел секој да се јави. Тој кажа дека имало и други лица кои ги исполнувале условите на интерниот оглас, но никој освен Ралевска не се пријавил. Не знаеше да каже зошто е тоа така, потенцирајќи дека е лично право на секој да одлучи дали сака или не да аплицира на огласите. За него, процедурата е целосно законска.

Би можело да ве интересира

Општина Центар го обнови дрворедот на улицата „Орце Николов“

Ана Ололовска

Одбележани 72 години од завршувањето на Граѓанската војна во Грција

Ана Ололовска

Богдановиќ го потпиша договорот за изградба на првата детска градинка во населбата Пролет

Ана Ололовска

Советот на Општина Центар ја повлече од дневен ред точката за таблет компјутерите на советниците

А1он

Завршува вториот дел од реконструкцијата на улицата „Народен Фронт“

Ана Ололовска

Општина Центар: Ниту еден друг советник освен Белчева Андреевска нема искористено никакви средства за патувања, ако е толку загрижена нека ги рефундира за компјутери

Ана Ололовска