Зголемен морталитетот во 2014 во однос на 2013 година

Од:

Бројот на починати лица во Македонија во 2014 година е зголемен за 2,7 проценти во однос на 2013 година и изнесува 19.718. Поголем број се од машки пол, 10.210 или 51,8 проценти од вкупно починатите, покажуваат податоците на Државниот завод за статистика.

Бројот на починати доенчиња е 233 и нивното учество во вкупниот број умрени лица изнесува 1,2 проценти на 100 починати лица.

Просечната возраст кај починатите од машки пол изнесува 69,9 години, односно 74,8 години кај лицата од женски пол, или за 4,9 години повисока просечна возраст се бележи кај жените.

Како и во минатите години најголемо учество имаат починати лица од болести на циркулаторниот систем, и тоа во 57,2 проценти случаи од вкупно умрените, по што следат случаите кај кои како причина за смрт се јавуваат неоплазмите, 18,9 проценти. Со 4,2 проценти се застапени случаите кај кои причина за смрт се ендокрините, нутритивните и метаболичните болести, со 3,6 проценти се застапени случаите кај кои причина за смрт се болестите на респираторниот систем, покажуваат податоците на Државниот завод за статистика.

Би можело да ве интересира

Лани поднесени обвиненија за половина од примените пријави за злоупотреба на лични податоци

Александар Тодески

Негативен природен прираст во 2022 година

А1он

Помалку починати во 2022, најмногу умрени во јануари, жените подлоговечни од мажите за 4,3 години

Ана Ололовска

Зголемен бројот на туристи

Угостителските услуги поскапи за 13,4 отсто во однос на лани

Горан Наумовски

Негативен природен прираст во првиот квартал од 2023 година

Ана Ололовска