Продажните цени на производителите на индустриски производи во април 2026 година вкупно се зголемени за 0,6 отсто во однос на претходниот месец и 5,1 процент во однос на истиот месец претходната година, соопшти Државниот завод за статистика.
Продажните цени на производителите на индустриски производи на домашниот и на странскиот пазар во април 2026 година во однос на претходниот месец се зголемени во секторот Преработувачка индустрија за 0,7 % и во секторот Снабдување со електрична енергија, гас, пареа и климатизација за 0,8 %, а се намалени во секторот Рударство и вадење камен за 2,5 %. Во секторот Снабдување со вода, отстранување вода, управување со отпад и дејности за санација на околината остануваат непроменети.
Во април 2026 година во однос на истиот месец лани, продажните цени на производителите на индустриски производи вкупно се зголемени во секторот Рударство и вадење камен за 14,9 %, во секторот Преработувачка индустрија за 4,4 %, во секторот Снабдување со електрична енергија, гас, пареа и климатизација за 10,5 % и во секторот Снабдување со вода, отстранување вода, управување со отпад и дејности за санација на околината за 6,4 %.