На Јутјуб е објавено и второ видео, снимено во кабинетот на премиерот од средбата Груевски-Заев.
И ова видео е со лош квалитет, а поставено е од ист извор како и првото, кое ТВ Сител го објави во дневникот и напиша дека Заев кажал дека материјалите му се од тајни служби.
Повеќе се слуша Груевски како потпрашува дали материјалите се од странска служба и чека одговор. Снимката е дополнение на пропагандата на провладините медиуми и прогнозите дека “се работи“ за грчката разузнавачка служба, со што треба да се убеди јавноста дека Заев е предавник, а Груевски патриот-што претходно беше и подготвено во неговиот говор “Ние не сме македончиња, ние сме Македонци“. Но на титлуваната снимка, која не се слуша јасно пишува дека Заев вели како снимките не се од ниедна земја од соседството. Заев уште во саботата кажа дека немал ни намера во разговорот со Груевски точно да му каже од каде се материјалите и рече дека се од домашни извори под контрола на власта.