Град Скопје ги известува учесниците во сообраќајот, дека во сабота и недела, на дел од бул. „Митрополит Теодосиј Гологанов“ на потегот од крстосницата со бул. „8-ми Септември“ до крстосницата со ул. „Московска“, ќе се изведуваат градежни активности – попречни прекопи за поставување на подземна инсталација, во период од 07.00–17.00 часот.
Сообраќајот на оваа делница од булеварот ќе се одвива согласно времено поставениот режим.
Се молат сите учесници во сообраќајот да се придржуваат кон времено поставениот режим на сообраќај.