Претседателката на Општинската изборна комисија, Јулијана Тасиќ, денеска во 13 часот на Стевчо Јакимовски официјално му го врачи уверението за избран градоначалник на општина Карпош.
Со ова уверение се верификува новиот четиригодишен мандат на староновиот градоначалник Јакимовски за периодот 2013-2017 година. Честитајќи му го новиот мандат, претседателката Јулијана Тасиќ изрази надеж дека граѓаните на Карпош и натаму ќе бидат задоволни од неговото раководење на општината како што тоа беше досега.
Градоначалникот Стевчо Јакимовски ѝ се заблагодари на претседателката, како и на сите присутни членови на Општинската изборна комисија и им посака и натаму да имаат вакви избори како во општина Карпош, кои поминаа во мирна, фер и демократска атмосфера.