Еден автомобил излета од патот Охрид-Дебрца, а неколку лица се полесно повредени. Ова е епилогот од сообраќајката која се случи како последица на претекнување на полна линија, а од спротивната страна доаѓале возила.
Еден од автомобилите е уништен од страната на возачот, од силниот удар падната е и гумата. Другиот автомобил е паднат во ендек.
Првичните информации се дека нема тешко повредени, а причинета е поголема материјална штета. Станува збор за автомобили марка “мерива” и “мерцедес”.
На терен се екипи на СВР Охрид, каде полицајци се уште прават увид.