Скопјанец вчера пријавил во полиција дека на 1 март, неговиот 83-годишен татко бил удрен од мопед во населбата Кисела Вода, а возачот не застанал и избегал од местото. Пешакот следниот ден починал од последиците на несреќата.
„На 08.03.2021 во 12.00 часот во СВР Скопје, И.П.(50) од Скопје пријавил дека на 01.03.2021 во периодот од 14.00 часот до 15.00 часот на ул.„Христо Татарчев“ неговиот татко Р.П.(83) бил удрен од мопед, кој го напуштил местото,“ се вели во полициското соопштение.
Во незгодата пешакот се здобил со повреди, по што бил пренесен во Комплексот клиники „Мајка Тереза“, а следниот ден починал.
За настанот бил известен Јавен обвинител, а од полицијата велат дека работат на расчистување на случајот.
