Водостојот на Вардар на сите мерни места е поголем од просекот за декември и бележи зголемување во однос на вчерашниот ден, особено кај Јегуновце каде нивото е зголемено за речиси половина, покажуваат податоците на Управата за хидрометеоролошки работи (УХМР).
Повисок водостој од вообичаениот за овој месец имаат и Треска кај Македонски Брод и Црн Дрим кај Ложани, додека нивото на останатите реки во земјава е под долгогодишниот просек.