Водостоите на речиси сите реки во Македонија се над февруарскиот просек. Двојно е зголемено нивото на реката Пчиња кај Катлановска бања.
Најновите хидролошки мерења покажуваат дека под просекот за февруари е нивото на Крива Река, а на исто ниво како февруарскиот просек е нивото на Брегалница кај Берово.
Кај езерата нема драстични поместувања во однос на февруарскиот просек. Дојранското и Преспанското езеро се околу просекот, а податоци за Охридското Езеро денеска не се наведени во хидролошката информација од УХМР.