Водата за пиење од кавадаречкиот градки водовод е бактериолошки исправна и покрај заматувањето што го предизвикаа обилните врнежи и топењето на снегот. Центарот за јавно здравје Кавадарци препорачува да се преврива само кога им се дава на мали деца.
– Нема потреба од паника. Редовно ја следиме состојбата. Хлорирањето е зголемено до максимум. И без превривање, водата е бактериолошки исправна за пиење. Забележано е постепено бистрење, изјави д-р Трајче Ризов.
Јавното комунално претпријатие од Кавадарци планира поставување филтри кои трајно ќе го решат проблемот со заматувањето на водата.