Водата од Тиквешко Езеро е исправна за капење, спорт и рекреација, наводнување и поење стока, покажаа анализите на Центарот за јавно здравје во Кавадарци.
– Според програмата за превентивна здравствена заштита, во март, мај и јуни земавме по две мостри од водата. Констатирано е дека нема отстапувања во квалитетот, но е заматена, со присуството на органски материи кои не се штетни по здравјето. Бактериолошки е исправна и од тој аспект спаѓа во прва и втора класа, изјави д-р Трајче Ризов, раководител во Центарот за јавно здравје.
Во одбнос на малите хемиски отстапувања, како што напомена Ризов, водата спаѓа во 3 и 4 класа.
Испитувањето ќе продолжи со земање по две мостри во јули, август и септември.