(ВИДЕО) Мицкоски: Со мојата напорна работа ќе докажам дека не сум марионета

Од:

Христијан Мицкоски во своето обраќање пред делегатите на Конгресот на ВМРО-ДПМНЕ во Валандово, на кој што беше избран за претседател, кажа дека мора да се стави крај на корупција, политичките притисоци и политичката одмазда.

– На несмасните брифирања од неименувани партиски извори дека ќе сум бил марионета ќе одговорам дека со мојата работа убеден сум дека ќе го докажам спротивното, рече новиот лидер на ВМРО-ДПМНЕ, Христијан Мицкоски.

– Свесен сум во каква атмофера поминува овој конгрес, со шпекулации и наметнати теми, но таква е состојбата и со политиката. Од денеска па натаму ќе се потрудам политиката да биде поинаква. Свесен сум за сите сомнежи во мене кои донекаде се оправдани затоа што не сум носел крупни државни одлуки, рече Мицкоски и додаде дека негов политички противник е СДСМ, а не поединци или групи во неговата партија.

Тој кажа дека Македонија мора да оди напред и да има брз и ефикасен правосуден систем, а не уценет и зависен каков што има сега.

Мицкоски ја критикуваше работата на Владата во надворешната политика и кажа дека од Планот 3-6-9 нема никаков резултат. Според него, ЕУ станува се подалечна цел.

– Потребен е реален напредок, потребно е реално решавање на проблемите, носење на закони по пат на дијалог кои реално ќе ги подобрат условите за живот и ќе ги скратат бирократските процедури. Закони кој се за општото добро, а не да се задоволат нечии политички апетити. Единствениот пат на државата е патот кон Европсата Унија и НАТО, рече Мицкоски.

Би можело да ве интересира

ВМРО-ДПМНЕ: Откако ќе формираме влада, ќе поевтинат сметките за струја

ВМРО-ДПМНЕ: СДС, Пендаровски и Ковачевски бегаат од одговори за аферата со Еисин

ВМРО-ДПМНЕ: Граѓаните знаат дека кога ВМРО-ДПМНЕ ќе вети проект тој и го реализира

ВМРО-ДПМНЕ: Во програмата „Платформа 1198“ се обврзуваме на нови 55.000 работни

Горан Наумовски

ВМРО-ДПМНЕ: СДС, Ковачевски и Пендаровски фатени во скандалот со експертот за црна кампања Исеини- кој и со чии пари го плаќа?

ВИДЕО: Време е за 90 пратеници и една изборна единца порача Мицкоски во промоцијата на изборната програма

Катерина Ѓуровски