Премиерот на Република Македонија, Зоран Заев, по средбата со евроамбасадорот Самуел Жбогар рече дека една од препреките за влез во ЕУ, формирање на Влада и излез од политичката криза, е веќе исполнета и дека останува единствено проблемот со Грција.
Заев кажа дека на денешната седница ќе ги даде првите задачи на министрите и дека очекува од нив да наоѓаат решенија за сите проблеми, бидејќи не планира да биде министер за се. Освен првите задачи, на седницата ќе се бира и генерален секретар на Владата.
Премиерот рече дека очекува поддршка од Собранието за продолжување на мандатот на СЈО и дека тоа ќе го сторат преку дебата. Тој кажа дека сака од опозицијата да направи подобри луѓе.
Во врска со најавениот реизбор на сите судии Заев рече дека тоа ќе го стори по препораките на Венецијанската комисија.
Александар Тодески