Во вреќа со отпад во „Ѓорче Петров“ пронајдена шок-бомба

Од:

Екипи на ЈП „Комунална хигиена“ извршувајќи ги своите работни активности денеска во Општина Ѓорче Петров пронашле шок-бомба во вреќа со отпад.

Како што соопштија од Јавното претпријатие, вработените во ЈП „Комунална хигиена“ – Скопје во исфрлена вреќа со отпад на улицата Македонска преродба во скопската општина Ѓорче Петров, забележале шок-бомба. Еко-патролата на ЈП „Комунална хигиена“ – Скопје веднаш интервенирала, при што е констатирано дека станува збор за потенцијално опасен отпад од распрскувачки материи, за што била информирана и Полицијата којашто извршила увид на местото на настанот.

Од ЈП „Комунална хигиена“ – Скопје апелираат до граѓаните заедно со својот комунален отпад никогаш да не исфрлаат токсични, опасни или штетни материи, коишто можат сериозно да го загрозат здравјето на вработените во Претпријатието коишто секојдневно се во контакт со отпадот при извршувањето на своите работни задачи.

Би можело да ве интересира

Сабахудин Рустеми поднесе оставка од функцијата директор на „Комунална хигиена“

Горан Наумовски

МВР: Лажни се пријавите за поставени бомби во училишта во Скопје и Куманово

Горан Наумовски

Одрон на автопатот Скопје – Велес и две сообраќајки

Катерина Ѓуровски

Фатен бегалец од штипскиот затвор осуден за убиство

Ѓорѓиевски: Скопје, за жал, веќе подолг период е претворено во една голема депонија

Петмина повредени во сообраќајката кај штипската населба Три чешми