На денешното судско рочиште за предметот „Тендери“ во кој првообвинета е поранешната министерката за култура Елизабета Канческа Милевска, на барање на одбраната треба да бидат презентирани дел од писмените докази, кои според адвокатите се од суштинско значење за предметот.
Рочиштето почна со презентирање на листата докази од страна на СЈО, а во моментов е дадена пауза од половина час по што ќе продолжи читањето на доказите.
Во овој предмет кој се однесува на тендерот за изградба на Музејот на македонската броба за државност и самостојност, покрај поранешната министерка Канческа-Милевска обвинети се уште двајца членови на Комисијата за јавни набавки.