Среде епидемија на морбили, децата и возразните ги прегледува еден лекар

Од:

Хаос во ходниците на поликлиника „Јане Сандански“, каде што во попладневната смена вечерва има само еден општ лекар што ги прегледува и возрасните и децата, а има и деца кои се јавуваат на преглед со осип, сведочат пациенти за „Макфакс“.

Тие се вознемирени поради фатот што денеска Министерството за здравство објави дека има епидемија на сипаниците морбили и се зачудени зошто нема дежурен педијатар, каде што ќе се прегледуваат само децата и ќе се намали ризикот од ширење на болеста. Видлива е нервозата кај сите пациенти кои за преглед чекаат и повеќе од еден час во тесната чекалница пред амбулантата.

„Како е можно да нема педијатар што ќе се погрижи само за децата? Забележавме деца со осип и навистина се плашиме дека вака може сите да се заразиме“, вели еден од повозрасните пациенти.

Минатата недела министерот за здравство, Венко Филипче, најави дека од 1 јануари во поликлиниките „Јане Сандански“, „Бит-пазар“ и „Ѓорче Петров“ ќе почнат со работа ноќните педијатриски пунктови.

Беше најавено дека овие пунктови во поликлиниките „Јане Сандански“, „Ѓорче Петров“ и „Бит-пазар“, за граѓаните ќе бидат отворени секој работен ден од 19:30 до 7:30 часот, вклучувајќи ги и лабораториите за испитување крв и урина, кои ќе работат секој ден до 23:30 часот.

Но, ноќните педијатриски пунктови засега останаа само на најава.

На денешната прес-конференција, која се одржа по координативниот состанок за справување со новите случаи на заболени од сипаниците морбили, Министерството за здравство прогласи епидемија. Препораките се однесуваа на тоа од утре децата што не се вакцинирани да не бидат носени во градинките и дека во спротивно родителите ќе бидат правно санкционирани.

Ана Василевска

Би можело да ве интересира

СВЕТОТ ВО 2019: Епидемијата на сипаници како глобален пораз

Ана Ололовска

ИЈЗ: До 3 декември пристигнати 2.215 пријави за мали сипаници

Ана Ололовска

ИЈЗ: Невакцинирано дете заболено од мали сипаници, регистрирани 1.901 случај

Ана Ололовска

Македонско-бугарска интернет војна на „Википедија“ за Гоце, Даме и Сандански

Мери Јордановска

Гоце, Даме и Сандански станаа бугарски револуционери на „Википедија“

Мери Јордановска

Не се регистрирани случаи со мали сипаници изминатата недела, се уште е во тек епидемија

Ана Ололовска