Во штипскиот регион се чистат речните корита

Од:

Општина Штип и градежната компанија „Бетон“ – Штип завршуваат со чистењето на речното корито на реката Брегалница.

Раководителот на Одделението за инспекциски надзор во Општина Штип, Тоше Ѓорѓиев на денешната прес-конференција информираше дека над четири километри од коритото на реката Брегалница се исчистени, отстранети се паднати дрвја, а на одредени места извршена е и регулација на реката согласно планот, но и законската обврска која ја имаат, со цел да не се поплавуваат населби и земјоделски површини.

-Од речното корито на Брегалница градежните машини се селат на реката Лакавица. Таму ќе бидат исчистени околу 400 метри на преминот меѓу селото Лакавица и селото Пухче, каде што во иднина општината има намера да изгради премин, цеваст пропуст на реката, а преку кој без проблеми ќе се движат жителите на двете села, вели Ѓорѓиев.

Чистењето на речните корита е поддржано од Министерството за локална самоуправа, кое на општината и доделува нафта за градежните машини кои ги чистат коритата, а оваа година Општина Штип дополнително за оваа акција издвои еден милион денар.

Ѓорѓиев смета дека чистењето на коритата на реките се покажа како успешно, бидејќи на оние места каде што е исчистено корито нема излевање на реките.

Би можело да ве интересира

Во Штип гласаат 152 болни и немоќни лица

Тројца тешко повредени во сообраќајна несреќа на експресниот пат Три Чешми-Штип

Горан Наумовски

Еден загина, неколкумина се повредени во сообраќајка на патот Штип-Кочани

Јорданов: Повеќе сум згрозен, отколку што сум изненаден од кампањата која ја пласираат моите политички противници

(ВИДЕО) Филипче: Павел Иванов е симбол на храброст и чесност, Штип заслужува лидер како него

Горан Наумовски

Се повеќе деца и вработени од штипско средно училиште се затруени со јадење од сендвичара