Општинската изборна комисија -Штип прими три кандидатури за градоначалници. Претседателката на ОИК-Штип Лидија Савиќ информира дека синоќа до 24 часот поднесени се кандидатурите за градоначалници за примариус магистер Илчо Захариев од ВМРО ДПМНЕ, вториот кандидат е Марика Чанова од Социјалдемократската партија на Македонија (СДПМ) и третиот кандидат е Мијалче Поп Андонов од Социјалдемократската унија.
-Што се однесува за советничките листи имаме доставено четири, а тоа е на ВМРО ДПМНЕ чиј носител е Никола Мицевски, потоа советничка листа од партија ДОМ чиј носител е Милчо Смилјанов, независна советничка листа чиј носител е Раман Демиров и имаме советничка листа од Сојуз на Титови леви сили, а носител е Дарко Фулир, рече Савиќ.
Таа додава дека членовите на ОИК – Штип ќе работат до 24 часот и ќе очекуваат информации од Комисијата за лустрација за кандидатите за градоначалници и за советнички листи.