По повод „Детската недела“, градинката „Ангел Шајче“, денес на Градскиот плоштад во Куманово организираше „Еко саем“. На саемот учествуваа деца од поголемите групи, на ниво на целата установа, поточно од сите шест објекти.
-Годинава саемот е потпомогнат од Секторот за животна средина, при Општина Куманово. Тие донираа „зелени знаменца“ со еко порака за секое дете, еко боенки, како и играчки-изјави воспитувачот-координатор Билјана Чумбурски од установата „Ангел Шајче“.
Таа додаде дека за успешно одржување на годинешниот „Еко саем“ децата изработиле еко зеленковци, поточно зелени кукли, кои што се направени од рециклиран материјал, а истите се наменети за хуманитарна продажба.
-Овој настан се организира со цел да се поттикне одржување на здрава животна средина за успешно детство и здрав развој на детето-нагласи Чумбурска.
Елена Георгиевска
