Уште шест од вкупно 35 лица од Општина Крива Паланка се наоѓаат во задолжителна самоизолација, додека кај останатите периодот од 14 дена е истечен, информираат од ОВР Крива Паланка.
Оттаму посочуваат дека граѓаните на Општина Крива Паланка го почитуваат полицискиот час, но сеуште наместа се забележуваат групирани лица.
-Апелираме граѓаните да не се собираат во групи, посебно пред аптеките, банките и маркетите.Сите граѓани кои чекаат ред за да извршат некаква набавка, дали на намирници или лекови, задолжително да ги почитуваат препораките и да се држат на соодветно растојание, посочуваат од Полициската станица при ОВР Крива Паланка.
Истовремено,апел е упатен и до лицата кои се на возраст над 67 години без посебна причина да не излегуваат од своите домови, потсетувајќи на забраната за движење по 11 часот.