Во Гевгелија и Демир Капија денеска се измерени 43 степени, соопшти Управата за хидрометеоролошки работи. Во Скопје, Струмица и Штип е измерена температура од 41 степен, а во Битола и Тетово – 39 степени, велат метеоролозите. Во Охрид и Преспа се забележани 34, степени а најсвежо е во Крушево со 31 и Маврово со 30 степени.
УХМР предупредува дека продолжува периодот на стабилно и многу топло време со натпросечни температури за овој период од годината. Максималните температурни вредности долж Повардарието ќе достигнуваат до 42 или 43 степени. И во наредните денови насекаде ќе биде активирано портокалово ниво на опасност од високи температури.
Утре се очекува највисока температура од 42 степена, а вредноста на УВ индексот ќе изнесува 9.
Во Скопје се очекува сончево и многу топло време со слаб северозападен ветер. Минималната температура ќе се спушти до 20, а максималната ќе достигне 41 степен.